ప్రియమైన శ్రీవారికి...

తలచాను నీగూర్చి కలలో
వలచాను నిను చూసి ఇలలో
పదిల పరిచాను నిన్ను నా మది లో
తెలియ పరిచాను నా ప్రేమను నీ చెవిలో
ఆహ్వనించాను నిన్ను నా జీవిత పయనం లో
నడిచాను ఏడడుగులు నీతో పెళ్ళి పందిరి లో
కలిపాను నా చేయి నీ చేతి లో
తడిచిపోయాను నీ ప్రేమ వర్షపు జల్లుల లో
కరిగిపోయాను నీ వెచ్చని ఓదార్పు లో
అర్పించుకున్నాను నా సర్వం నీ చల్లని నీడలో
అలిగాను నీపై నీవు కోపం చూపిన వేళలో
బాధ పడ్డాను నీ సాన్నిహిత్యం లేని తరుణం లో
ఎదురు చూశాను నీ ప్రేమకై వెన్నెలలో
చిందించాను ఆనందభాష్పాలు నీవు నను తిరిగి చేరిన వేళలో
మైమరిచాను నీవు నన్ను ప్రేమించే తీరు లో
ప్రేమించాను నిన్నే మనస్పూర్తిగా నా హృదయ అంతరంగం లో
కోరుకుంటాను దేవుడిని నిన్నే నాకు భర్త గా ఇమ్మని ప్రతి జన్మ లో

సౌజన్య