ఎగసేటి అలకు లేనే లేదు అలుపు
సుదూర సాగర తీరం చేరే వరకు
నిదురించిన సూర్యునికి లేనే లేదు మరపు
రేపటి ఉదయాన వెలుగు కిరణం పంచే వరకు
ఆగదు గగనం లో మిల మిల మెరిసే మెరుపు
ఆ నీలి మేఘాలు వర్షించు వరకు
తీయటి రాగ కోకిల పాడనే పాడదు
వినిపించనిదే వసంతం పిలుపు
నీకై పరితపించే నా మదిలో నీ తలపు
నశించదు నాలో ప్రాణం ఉన్నంత వరకు
నాపై నీకున్న వలపు ఇకనైనా నా మదికి తెలుపు
అప్పుడే నా ప్రేమకి నిజమైన గెలుపు
సౌజన్య
