ఎవ్వరివో నీవు ఎవ్వరివో

ఎవ్వరివో నీవు ఎవ్వరివో
ప్రశాంత గగనం లో మెరుపు లా
నిలిచి ఉన్న కొలనులో తరంగం లా
నిశ్శబ్దమైన లోయ లో పిడుగు లా
చిక్కటి చిట్టడవి లో వెలుగు కిరణం లా
వేడి సెగల ఎడారిని చల్లపరిచే వర్షపు చినుకు లా
నాకు ఎదురయ్యి,
నిర్జీవమైన నాలో జీవం పొసి
నిరర్ధకం అనుకున్న నా జీవితానికి అర్ధం చూపించి
నిర్వ్యామోహురాలైన నాకు వ్యామోహం పెంచి
ఆలించి, లాలించి, పాలించి,
కోపించి, ద్వేషించి, ప్రేమించి...
ప్రకృతి లోని నవరసాలను చవి చూపించి
ఇప్పుడు ఇలా నడి సముద్రం లో వదిలేసి వెళ్ళిన నీవు
ఎవ్వరివో నీవు ఎవ్వరివో

సౌజన్య